3∕7

成日齋企真係一大折磨，痴鬼線，我個位係完全冇野做，淨係望住對客D同事勁忙，

但我係可以悶到發mo，全日得個企字，望住佢地、望住D客、

望住反斗奇兵個個U型機動遊戲D人尖叫、望住個隻彈弓狗……

其實我想對下客，忙下都好吖！好憎做埋D無聊野，唉。


夜晚收工其實好攰，好彩排得切隊，遲幾步就要等下班車，

然後哈哈哈，係第二個站經過個時，係車站個幾個人見到爆哂冇站個時個樣真係好好笑，

苦笑然後一齊送中指比我地，哈哈哈，跟住成車人大笑。

第三個站，司機仲要係個站到停一停先，「喇！比你地睇下無位吖嗱」，走啦byebye～

等車個D人又O哂，唔係O，係0，係吶喊嘴，真係好慘真係，但係真係好好笑真係。



等埋媽收工，返到東涌仲可以食翠華真係好幸福，但我其實食唔落D乜，頭痛到想撞牆，

但係件奶油多真係好嗱正～


成日收工攰到唔沖涼就訓覺，哈哈。

齋企都可以攰到咁真係得架啦我。