反白眼達人

唔知係咪因為眼細，

一反白眼真係會得返眼白。

而我其實真係成日反白眼，

而我其中一個朋友真係好驚我反白眼個樣，

但係我經已去到一個不能自拔的地步。

話說我必定反白眼嘅點係： 見到D肉麻情侶調情個時。


上次係翠華等我呀媽，等咗成四個字經已躁躁地，

隔離個枱情侶，個女嘅赤腳撩個男嘅小腿，

個男嘅用雙手去回應返隻赤腳，幫佢按摩。

我反白眼反到瞳孔差D唔識落返黎。

個男嘅重要就咁就食飯，抹都唔抹下。

食完飯又再上演多次，痴線。

言談之間知道佢地都係見習老師，但係講真個男嘅素質真係好差，

佢點咗個唔知咩飯，過咗陣夥計話賣哂，跟住佢話：「頂你個肺吖」

個夥計應該聽唔到，但係你個反應真係使唔使咁吖？




仲有一次係朗豪坊個條長電梯，企前面個對情侶完全忘情激咀咗成程梯，

見到佢地雙舌交纏、口水雙融個畫面，我由衷地反胃作嘔，真心希望佢地聽到。

賤格D講，係靚仔靚女嘅我會睇得開心D，但係個男嘅係一個毒撚樣，

佢D面油呢光到呢…… 唔怪得個女仔要合埋眼Kiss

啊，又反胃，打返出黎都反胃你就知真係幾核突下啦？


反白眼反到成仙啦我。