Stay gold.

唉，其實真係想keep返每日寫日記架，但我真係懶到咇汁。

如果要記返最主要嘅野，其實都係想講我過得好開心，頹廢得好開心個種。

其實我真係個好易滿足嘅人，最近係路上執到最中意嘅一束小雛菊都開心好耐；

我媽都話我份人好易滿足，送小禮物比我都開心到成個小朋友咁。

其實只要我中意你，你送舊屎比我我都笑住多謝你。

不過講起禮物，其實我真係好想收玩具，

係好低能，但我真心好想有人送玩具比我，哈哈哈。


努力做到simple living，個人真係會開心好多，唔去胡思亂想，順其自然。

有時散下步影下相，每日訓前做套鄭多燕，睇下微博啲低能野笑完就訓。

改變一下飲食習慣，去超市買材料煮啲健康野，清清淡淡好refreshing。

嘩我嘅生活真係同呀公呀婆嘅生活一樣。

其實只係一個心境開朗嘅頽撚，哈哈。

我就係個啲自high嘅孤獨精，認真喜歡一個人嘅生活，間中可以同朋友聚下就夠。


早排的確煩咗好耐出路去向嘅野，想做同應該做嘅決定有時好兩極。

我份人其實都幾好忍耐力，對於唔想做嘅野唔想過嘅生活都可以忍耐，

可能以前就係咁忍到個人咁抑鬱。

我對宜家嘅生活都覺得唔錯嘅，但更加想嘅係想係20出頭，真正去做自己想做嘅野，

好想有種改變，嘗試另一種生活。好認真，因為幾乎每一日我腦海都有呢個念頭。

其實脫離咗中學，個人真係改變咗好多，唔係講「眼界」。

而係心態其實真係會改變好多，起碼「讀書」唔再係唯一嘅世界，

諗返以前，其實真係幾恐怖。


得失其實真係唔係咁重要，甚至你以為自己失緊，

其實個個方向發展落去反而會令你獲得更多。

最重要係唔好以社會個套標準套落自己人生定向方面，

因為社會上其實太多不知所謂嘅人，刻意將個人詭思企圖道德化、標準化。


哈哈，雖然我用「你」字，其實我係同自己講。

只望眼前一直澄明。