妹妹

見到我妹兩晚成粒幾鐘都係到睇片學做gwiyomi我真係忍唔住同佢講：

「妳哂D時間學D咁嘅野不如睇下其他野啦！真係好腦殘呀。」

姐係個D靚女幾腦殘我唔理呀，

睇住自己個妹粒幾鐘睇個條死人片學埋D無謂野我真係頂唔順。

佢仲話：「家姐你做下」，佢問得好天真，我噴笑然後答佢：「做你條毛！」


我同FDS講起都毛管動，點解D女仔真係可以拍得出架哈哈哈。






我屋企好多野都比我呀妹整壞咗，手提電腦中咗毒，座枱都壞壞地，

因為佢D online game有毒=_=。

 座枱電腦枱個keyboard 板個條軌成條甩咗落黎，因為佢玩online game玩得太high狂拍塊板，

就黎成張枱倒塌。好驚。

想當年，個D online game我玩咗一陣就冇玩，因為我玩game真係勁廢。






妹：「今日麵包店個叔叔問我四年級定五年級，我答五年級。」哈哈哈，其實佢六年級。

有次我同佢去剪頭髮，髮型屋個叔叔問我地幾年級，問佢係咪一年級，問我係咪六年級

……………………

我諗髮型屋個叔叔一定想我問返佢係咪十八歲。

個陣我冇答佢。唔通我用師奶笑應佢：「呵呵呵呵，我中六都畢咗業啦！」？






其實我D屋企人真係好正好好笑。

吖係！

自從我電衰咗個頭之後，有日佢地圍埋係飯枱，我彈過佢搶食之濟……

我老豆竟然開口同我講：「你個頭點搞吖？」然後係到笑。

作為一個男人，老豆，其實真係冇乜點開過口評價我外型……

跟住我媽當然又落井下石啦，笑到佢呢……

爸：「你個頭電咗幾錢吖？」

我：「328」

爸：「你老豆我個年代都要二百幾啦哈哈哈328」

我：「=_= ！！！」

係所有人入面，我係最樂觀個個（可能因為我唔會成日望到自己個柒頭哈哈哈），

同埋我覺得，頭髮呢家野好死架姐，等佢長、等D死人細攣變直D……宜家咪日日紮計出街囉

我成日都話留長，永遠都留唔長，學聰聰話齋：「識你咁耐都未見過你D頭髮長過」

大半年我不斷愈剪愈短……





今日又冇返學，哈哈哈，因為聰聰佢地都唔返。

連放五日爽到琴晚係屋企發癲。

夏娃真係好得意：（   但佢淨係同我傾學科野：（

同聰聰就鬼咁FD！！！





唉電話又就壞點算.......