兩個星期

仲有兩個星期，其實好快捱過。四個月嘅暑假等緊我，我會加油。

我估大家都捱得好苦，加油呀。

我好耐冇訓過好覺（琴日算有嘅），真係就死，成日好似大肚婆咁一起身就見暈，眼前一「白」hold幾秒。

琴日終於温咗GEA，溫下睇下電視食下沙津(食屎我琴日冇停過口)，

下晝梁嘉輝個套92黑玫瑰好好笑，我睇第二次，但我同媽都笑死。

琴日真係叫可以鬆下，唉。


係咁一份又一份paper打字會打到想嘔，我打字其實慢到嘔，

三千幾字我起碼要打五粒鐘，哈哈哈，因為我唔係好識打字架，

所以打完一份手稿又接一份我真係想嘔。

聰聰佢地其實好好，都話叫我比佢幫我打字，但我唔想麻煩佢地吖。



樂樂話做paper會瘦……但我已經食咗成大排朱古力哈哈哈。

我仲叫我媽幫我買多排「做功課用架」。哈哈哈。

對自己好D吖嘛～～～同埋會開心D～～～