它一直都以胖了一個碼的身型在我眼前「篤眼篤鼻」。
( 有冇人可以教我點樣係下次，我或我老豆唔小心又整肥咗佢個時點樣縮返佢？）
2
今天終於出門去圖書館了(唉)
我是那種「對外潔僻/ 對外強迫型」的表面光鮮人，
每當我在外面，我都要最基本看起來整齊、乾淨。
例如前一天沒洗頭，即使只是到樓下屋村髮型屋剪髮，也要洗劉海！！（在洗手盆洗）
第一是頭髮，其次是衣著。
在前往圖書館的路上，我心裡一直怨自己說「去趟圖書館姐，洗乜着到出街咁呀？」
因為我穿了雪紡裙和厚底鞋，還很浮誇地有對很顯眼的色塊襪。
但你明唔明？我真係唔中意着拖鞋四圍走 ( 而且我係有着拖鞋PK症，唉 )
着褲又好熱喎………… 好啦好啦，唔兜啦
對外強迫型：見到書架上的書本凹凹凸凸的，我會忍不住把它們對齊立好。
「表面光鮮」，實際在家是另一副模樣，哈哈。
起床、隨意在家盤起的髮型真是不堪入目。
3
在圖書館看書時，飛來一隻蚊子，我一撥牠，牠正飛在我胸口附近，不見了………
我穿着襯衫，鈕扣之間的距離很遠，我心想不是那麼剛巧飛進去吧？（我之前有恐懼地幻想過）
然後我一直很不安，悄悄的在弄來弄去，那時候我真想拍自己胸部，至少拍死牠牠不會亂動。
又幻想像金剛變身似的：啊！！扒開上衣………為了一隻蚊子 = =
然後媽的一直癢癢的！！(應該是錯覺)
由小到大我都有這種錯覺，背上手臂彷彿有螞蟻在爬的感覺，可能是汗毛與衣服糾結而生的觸感。
4
前幾天在微博看到有人吐糟燕京啤酒好像地溝油，也有人附和說是燕子的精液(用普通話唸燕京)
媽的，我當時就在喝燕京。最近好像喝了不少酒，其中有晚喝了一瓶唔知乜Q酒，超暈超熱。
原因： 屋企真係冇野好飲。
而我媽買燕京的原因： 平吖嘛！ 我爸：唔係呀？！燕京！！
有咩牌子嘅啤酒好飲？ 等我學下「如何飲啤酒」哈哈哈
5
有件事，真係唔講唔得。我唔係講佢是非，我真係講事實。
個日係謝師宴，有侍應送野飲黎，同枱W女士以極差語氣話：擺低啦！！
眼神仲要係斜呢個隻。 當下我見到個侍應阿姨都以斜呢斜返去。我真係O哂…………
個刻仲見到W女士未來個樣，個D 死人三姑六婆樣呢。
跟住我留意到，真係冇人講「唔該」。成日講「基本禮貌」，基本到漸漸被遺忘。
會係對方「唔該」後答「唔洗客氣」嘅更加絕種啦……( Li項係有D苛刻嘅)
6
「因為慈悲，所以懂得」 — 張愛玲
「— 張愛玲」 是來告訴別人「因為慈悲，所以懂得」一句出自哪位作者，
亦是表達對作者的尊敬。
微博上有個被狂轉的句子類似是：「你不需要懂這這句句子的意思，只需這樣。 — 尼采」
eg : 我廢嗡，我存在。—笛卡兒
哈哈，是在諷刺那些狂引名言卻沒有用心嘴嚼涵義的人吧。
但我覺得「 — 尼采」「—笛卡兒」是很重要的，是一種尊重。
而非裝模作樣告訴別人你在讀尼采、笛卡兒、張愛玲。
就算不列明作者，也用「」來表示引用吧。
認識尼采這位哲學家，是源於鄧麗欣。哈哈哈。因為當時有篇報導強調「鄧麗欣讀尼采？！」，
當時我覺得尼采一定好勁，如果唔係都冇個種「強調」效果啦。
然後我就裝模作樣地看什麼《查拉圖斯特拉如是說》、《悲劇的誕生》。
嘩，講真好深。而且好難睇：悶 + 翻譯本。
唔知點解D哲學書係特別 難睇 架喎。最好睇嘅哲學書真係李天命個D，
李天命的書易看又好看(是哲行道者比較難看)，還挺好笑的。
剛剛GOO了一GOO哲行道者，看到這句：「好彩有網上暴民 唔係都卑李天命昆左」
網上暴民：「我敢話: 李天命 作d什麼"思方劍"啊, "天人琴"啊, "九一妙心"啊, "神秘樂觀" LEE D 名, 真係聽到起雞皮.故弄玄虛, 簡簡單單的論調加個九唔搭八的名, 就當自已發展出一套警世理論.佢的"思想方法学"的確不錯, 但只覺得佢只不過歸納一些已有的辯論術, 加個自已老作的名就當係自已建立的技巧, 例如: "子矛子盾法", 一句"自相矛盾"就表達到, 係都要老作個名, 佢覺得型D GA?"九一妙心" 根本就係" 阿Q精神 " 或者 " 唯心", 自已覺得點就點, 佢又講到懶高深."神秘樂觀" 簡直...., 我都無謂講(罵), 免得傷了李天命FANS 的感情.如果睇佢本"哲道行者" 當武俠小說睇都OK 娛樂性豐富, 因為入面 d 名好似什麼武林工夫, 可比金庸小說.」
唔該比十個高登黄色個個邊喊邊chok下chok下個個表情我先。
blog主寧願憑一班網上暴民一個帖而斷定李天命「昆人」(十個高登黄色邊喊邊chok下chok下表情)
思方劍、天人琴等名詞(?)出自哲行道者，哲行道者的確很晦澀。
但我想李天命並非「懶高深」。他本身除了是哲人也是個詩人(因為他有推出詩集)，
用詞晦澀，寫得像詩的確難懂。
「九一妙心」、「思方學」等等他個人命名的主義名稱，我覺得很合理。
就如存在主義由馬賽爾提出，你唔會話馬賽爾懶高深掛？
「自已覺得點就點」呢句好笑。
哲學本身就係一樣「自已覺得點就點」嘅野。加上，如果理論合理，「自已覺得點就點」有咩問題？
咁講就好似有個基督徒鬧緊尼采講「上帝已死」、反基督之觀點係「自已覺得點就點」咁。
eg.「我敢話: 尼采作d「上帝已死」咩咩咩完全係9 up老作，佢不過係個痴線佬咋嘛。」
ps. 尼采真係痴線佬。不過係晚年先痴，其實佢好慘。
人呢都慣性插D當代作家、藝術家、哲學家，對D具權威性(歷史性)嘅古人就捧到上天。
7
我成日都唔記得 share 呢首歌。
請戴上耳機 OR 請勿在有家長陪同下聆聽。認真 : ) (講呢D野真係好白痴)
好正…… 個種迷幻feel，哈哈。
我愛上他們那股迷幻和玩味。
8
想看 ：
好想睇吖…………但揾唔到呀
昨晚還想重溫一次《夢之安魂曲》，但不敢看，我一直不敢再看。
我很喜歡這套電影，但它真的會讓你很絕望，觀影過程真的是「讓你死一次」(DB人說的)，
不敢看不是因為很恐怖而不敢看，而是它所帶來的心理衝擊讓我好難受。
不過，真的很值得一看。
沒有留言:
發佈留言